加多近街

睇報紙話加多近街有機會成為新蘇豪之類既酒吧+有格調餐廳集中地，同友偕講起，佢都話果度有幾間喎，於是搭的士去左一遊。查實又未至於好多食肆同埋酒吧，不過睇得出係走有class之路線，由於鄰近西環村，而且依家好多人都未知果度開左呢d酒吧同餐廳，所以夜晚人流都唔算太多 (雖然第一間酒吧我地都搵唔到位)，價錢相對便宜，最緊要就係環境舒適啦。

查實如果有閒錢，考慮一下買翻間舖都好，唔好話好似蘇豪丫，似鯉景灣or星街已經夠。依家好多鋪頭仲係車房，就如星街以前一樣......因為駕車人士又容易搵位泊，附近又有港大學生支持，再配合港島西區摩星領果頭高級住屋既鬼佬支持，相信果度潛力就一定有，問題係有冇閒錢買舖啦～

posted by Unholy @ 1:16:00 下午