英皇書院的書...

今日放工，見時侯尚早，走左去佐敦商務繞個圈啦，唔去尤至可，一去大檸樂。行過新書欄，發現某本以紅磚屋為背景既書，一睇，個書名，當堂打左個突，叫"英皇書院　愛國愛港情"；第一個印象，就係邊位校友/作者咁鬼神心 + 激動，作本咁既書出來，一睇個名...

梁植穎......咁熟既.......再諗一下.......

我的天呀！！

果個就係中六中七我既地理阿ＳＩＲ，堂堂，梁副校/代理校長，以寶貴既經驗來教大家地理，當然不忘佢對白蟻，地理室同埋天文台古舊地圖，令大家上堂不亦樂乎之人？！

佢出書呀！！

相信各位校友睇到，都會好有興趣去睇翻本吧，唔洗猶疑，去商務，搵一本叫 "英皇書院 愛國愛港情"既書吧！

-------------
http://ol.mingpao.com/cfm/style5.cfm?File=20070325/sta13/vzi1h.txt
-------------

p.s 內容是okay的，作為校友應該買翻本吧，睇翻原來佢2000年退休，當年亦係我地中七畢業之時。

p.p.s. 年前有一次我同淆生同院長o係新世紀，因為冇食肆+餓既關係，就o係度爆粗，話呢間又滿，小...然後淆生就俾梁植穎捉住搭訕了...至於我，當然和院長即逃吧，獨留偉大既前學生會會長和偉大既前副校長溝通溝通吧～哈哈哈...

posted by Unholy @ 8:26:00 下午