星期三, 4月 25, 2007
大餐!
為左慶祝吾父大壽,吾兄和小的前往東海海鮮酒家大快一頓,消滅了各式各樣的海鮮,如鮑魚魚翅帶子及蝦,對地球生態環境再度構成威脅。查實唔經唔覺阿爸已經到達退休之年了,不過我始終覺得佢個樣唔似退休既人。Anyway,據說佢應該會放假,去旅行,之後或者再做多陣野......
p.s. 五月中可來我家打牌,有興趣可預約,謝謝
星期六, 4月 21, 2007
5日 and 5日半
翻左三份工,份份都要翻星期六,總覺得時間好唔夠,日日都好攰咁。但五日一號開始,就有長短周啦!太感動,短周既時侯可以訓到晏晝,唔洗好似依家放工翻屋企訓覺咁蝕底!正正正正...期待ing!
-----------------------------
以上為本公司最新特製新鮮北極大頭蝦刺身,歡迎試食。
星期一, 4月 09, 2007
四方城淪陷了 - 下集
琴晚,當我八點半悠閒地玩緊MSN睇緊電視時,某人竟然MSN我,話要九點半攻城。Confirm了戰況後,立刻以極速更衣飛地鐵前往灣仔戰場,並準時於十時前開戰。頭四圈完全係不知所謂既狀態,雖然食左一舖自摸八番,但亦都係惟一一次食胡,沖又冇點出,根本就係免費陪打,同d陪酒陪唱K有乜分別?! 四圈完結時仲要輸少少...好啦,話打完四圈早喎 (剛剛十二點),咪打多四圈囉,誰知後四圈戰況激烈,屍橫遍野,狂自摸自lum莊,玩到勁眼訓,而我亦都要等到四圈先再次食胡......雖然後尾迴光反照,但查實埋單又輸...雖然冇上次咁多,但都唔算叫少啦 (至少"20蚊咁多"都可以講出口既情況下)。
算了...我呢一個月唔玩有任何賭錢成份既野啦!
====================
送電動洗牌機短片一段
====================