Winning

放工打機大航海WINNING 10＝極點無聊的一天，完！

posted by Unholy @ 1:21:00 上午 0 comments

決戰之日

今日流程，九點鐘起身，打電話翻公司話病，詐完去沖涼食早晨醒一醒神，換衫，又打翻公司，成個重病樣咁，遺品就係話乜乜工作就快搞掂云云。之後就出發去政府總部啦～

dang dang dang...一入去政府總部，我同果兩個食蕉講野，話我來見工，佢兩個乜反應都唔俾我...正當我疑惑之際，我後面有一個人影閃過，果個就係電視成日見 到，頭髮好鬼白，仲配埋白鬚果個孫明揚局長啦...d食蕉果然識do，佢地極速doot卡開門俾局長入去，而局長之馬仔亦跑去o禁住架lift...個格 局好似俾人暗殺咁...難道我係刺客咩！......當果兩個食蕉回來後，佢就同我講：睇你都係果d啦...之後就問我名，然後丟左張証，我就閃左入政府 總部啦。

上左樓，又係睇証書果d，跟住俾張紙我，叫我choose一個信封喎，講一個topic ３分鐘咁，我隨手拎啦，一睇！三個topic分別係

1. Hong Kong's Art and Cultural Development (西九題，雖然我住西九，但我都唔知搞乜）
2. Will Hong Kong be Marginilised (我就選呢題啦！之前做過功課，即刻信心十足呢）
3. How do you handle street? (好一個痴線題，係俾d冇做功課既人答掛)

之後入房，３個panel都係女人來的!!!!! (另加一個男observer）一個廿八九歲的 (塊面仲有暗瘡)，一個三十幾歲的（OL LOOK），同一個四十幾歲的。四十幾歲坐中間，佢一定係至大粒......

跟住就開始用英文吹３分鐘，我偷睇到中年女佢都ok滿意我既３分鐘"演講"掛，果度有張rating sheet，我偷睇到好多都tick 7個格中最右同埋第二右既位。之後我就俾佢地輪住來問，ＯＬ女打蛇隨棍上問我關於香港同內地既經濟合作關係等等，中年女就至用廣東話問我，要我用廣東話講 （仲衰過用英文），同對校長抗拒收有學習障礙學生有何睇法，再加中學讀官校有咩啟發咁（我都唔知...），至後生果個就問我最低工資最高工時咁啦（呢度至 惡頂，我心裡上支持立法最高工時，又抗拒最低工資，但最後都選擇左全部抗拒，理由係影響經濟.......）

最後？咪就係走人囉，用左約廿分鐘，同傳說中一樣。

posted by Unholy @ 5:41:00 下午 0 comments

心神恍惚

仲有十一個鐘頭左右，我就要去見AO啦，真係好緊張...雖然只係First-In，但由於內容關於政治／管治／政策等"認真"既項目，睇來 Marketing既吹水技巧都係救唔到我的，惟有寄望我日日睇報紙＋新聞既報慣可以幫到我一d啦。希望聽日唔好太過緊張，講英文講到口啞啞就得啦。

至於現在果份工？不提也罷......自從上次份Net工衰左後，呢份衰野就日日好似無間道咁追住我，我訓覺成日未夠鐘起身就紮醒，仲要抱住無奈既心情翻去，超無奈呢。

posted by Unholy @ 12:40:00 上午 0 comments

天下鳥鴉一樣黑

晏晝食飯時，一班人跟新同事，由某同事將離開公司中開始討論，到公司女人之精神狀況，講下講下，竟然得知，新同事比我還強，手上還等緊Cathay同埋港 龍既OFFER...好恐怖...即時灰左...自愧不如。而且在下午時，該名快離職之同事，又約人來interview，發現最正prospect果個 人，已經accpet左第二個offer......至好笑係，果個女人又話人貴又乜又物唔肯見人，偏偏佢擔心請唔到人時，人地已經早已上岸，唉，早知今 日，何必當初，遲下佢冇人用仲死。

我？咪又係咁囉，寄信，唉....

posted by Unholy @ 12:00:00 上午 0 comments

假日

冇咩想update...

自從好期待果份5日internet工冇打俾我後，我既惟一選擇只有stick with呢份唔太鐘意既5日半工度...唉...都係咁啦，得過且過，好似已經好耐都係咁既心態...冇咩特別開心，冇咩特別唔開心，呆呆滯滯果款囉。

好期待既假日竟然冇咩節目，真係慘過去死...

posted by Unholy @ 11:16:00 下午 0 comments