巨大化?
原來我既小水滴畜牲已經開始進入巨大化階段，雖然下身仲係好似條虫，但佢已經識發音，仲學習左一d漢字溝落日文度講...
今日睇壹周刊，講某港女成功進入奧比斯做工，仲話佢見親邊d想做既，果份工都請佢喎，仲話秘技就係send thank you letter，如果冇回音，就兩個星期後又補多封，查實係催人咁話喎。睇完之後，第一個感覺係：咁我仲唔寫信？！於是我又作左幾封，send左出算，反正 email又唔洗錢！哈哈。
微軟商標
微軟新Xbox被指會死機
微軟周二正式推出新一代的遊戲機Xbox 360，但不少玩家投訴玩遊戲時會死機，微軟亦承認收到投訴。
在新的Xbox推出後不久，不少用家在網站上投訴，在玩遊戲時死機，不能運作。
微軟承認已收到用家投訴，但發言人強調，這只是個別個案，不涉及很多用家。發言人稱，由於新Xbox的推出，涉及數量龐大的遊戲機，他們已預計可能出現問題。
-------------------------------
江山易改，本性難移呀！Microsoft既Trademark就係死機藍幕，當然會包呢個feature啦。個別個案果下先搞笑，又唔見人話玩PS2會死機。
歐聯 (1)
話說我琴晚係睇左歐聯賽事，曼聯對維拉利爾既上半場，但係開波都成凌晨三點八，鬼有咁精神睇晒全場啦，所以惟有只睇上半場，但最後都頂唔順，去訓也。今朝起身，上去livescore度睇，見到係0:0，即刻覺得賺翻晒。如果仲睇，我諗我今日冇兩點都唔洗起身。
不過就算早起身，都只係食一個合味道cup noodle就當午餐...實在唔想食老麥，亦唔想行出去佐敦...我實在太懶啦。
電話?
每 一日都期待俾電話嘈醒，偏偏又冇，於是又訓到黃朝八晏，睇來上星期見果份都冇著落，懷住頹廢既心情落去買老麥，順手又寄多幾封信啦。還好到左三點左右， 有電話響，叫我又去見第二份...呢份應該將會係第十七份我去見既工啦，死唔死...還好我冇incentive成為NEET (Not Employed Educated Teens-受過教育但冇興趣工作既年青人...)，如果唔係一定俾申請綜援吸引...
以上就係總共所寄既application letter (只計email)，証明香港搵份似樣既marketing工唔容易呀！早知讀Account啦！哈哈。ps：我去睇過奇拿既xanga，俾燈神既post吸引左，見到佢果個咩估波網，我見都唔洗register，玩野玩晒１萬蚊落去買賓飛加win里爾2:0...輸左無所謂，反正我都唔鐘意賭既。
工事中 (2)
今日閒逛人家既網誌時，發現一件叫Cocoa Island既物体，果間屋仲會因visitor count而增大，簡直係webcounter同無聊公仔集於一身既產物，於是兩三下手勢就add左落去啦。
p.s. 日本仲有好多其他騎呢網誌型生物，當然外觀亦有異啦，香港應該搞翻一隻啦，全中文系統，或者有商機。
心理遊戲？
網上閒逛某人的網頁時，發現一個無聊的心理遊戲，於是就做一做啦...
http://tw.starq.com/newstar2/okstarq.php------------------------------
整體性格 Derrick先生，樸實淡泊；愛好和平；自然隨和；禮貌周到；努力工作盡情玩樂。
待人性格 Derrick先生待人：通情達理；頗重感情；既喜歡與人同樂也能自得其樂；謙虛保守但不怯場；有領域感但不強烈；坦率但不洩密。
處世性格 Derrick先生處事：善於表達意見但不愛管閒事；擇善固執；不輕易讓步；相當慎密嚴謹；穩重踏實；隨性自在隨機應變。
性格缺點 Derrick先生性格的缺點為：拘泥計劃缺乏應變的彈性；有時候比較天馬行空不夠務實；偶爾會比較浪費出手相當豪奢。
價值觀 Derrick先生重視的價值觀為：追求完美；讚美和掌聲；身份地位；較不擅長：交際應酬；冒險犯難；與眾不同。
愛情性格 Derrick先生在愛情上喜歡從容不迫的進展，享受浪漫也安於平淡，會忌妒但不嚴重；較常表現：追求完美，面面俱到，用情深刻，積極進取。
金錢性格 Derrick先生的金錢觀：花錢很適度不浪費也不小氣，用錢會有妥善的計劃；容易把錢用於：追求完美，崇尚唯美，享受美食，紓解壓力。
------------------------------
我第一個感覺係：頂！神又係你鬼又係你啦！價值觀度話"拘泥計劃缺乏應變的彈性；有時候比較天馬行空不夠務實"咁唶係點？成日follow個plan但又個天馬行空？天馬行空既人就唔會拘泥計劃啦。自從睇完Derren Brown: Messiah果個節目後
1，越來越覺得呢d所謂Fortune Telling既物体都係玩心理...
註:1.個節目係講Derren點樣扮神棍，話自己識超能力／通靈／心理特技云云，來呃各大宗教／學說之代表人物，包括神父，神婆，通靈者，外星人作家
星期日唔知做乜
基 於星期日實在太悠閒，於是去西環剪左個頭髮，恐怖既係，果一間平時人影都唔多隻既髮型屋，今日竟然錄得４個客人；而我，仲要等左半個鐘先有得剪。更恐怖 既係，平時髮型屋既雜誌都係八封或時裝系雜誌，今日竟然俾我搵到一本 BUSINESS WEEK！簡直係格格不入，但內容又偏偏充實過八封雜誌好多倍，於是就o係一個奇怪既環境下睇BUSINESS WEEK啦。至於個頭...咪又係咁上下囉，雖然跌左好多頭髮，但總係覺得差唔多咁。
經過數小時既改造後，我諗呢度都見得下人掛，不過唯一遺憾既就係果件"小水滴"仲係未work住。咁惟有玩住其他野先啦。下面既就係我既城市作品...
無聊緊又想整翻一個？
CLICK我啦！
工事中 (1)
經過幾個小時既研究，卒之幾個樣執左一執，仲加左風魔萬千少男少女既可愛小水滴落去。仲要整翻d links呀，profile等等，咁樣就大工告成。
(註：傳閒果隻唔知咩野會學左我o係blog打既字，等我遲下打d騎呢字入來，睇下佢學到咩花樣。）
搬屋啦！
今日忍受唔住xanga o係頁面設計方面既限制，因此經過４００幾日後，卒之要搬屋啦。
因此，希望大家更新一下link啦。
