文化沙漠啊！
今日去左書展，點知竟然人山人海，由地鐵站去都要成四個字先入到場，入到場後，即時感受到一股壓迫感...每一個攤位都只要迫餐飽先至入到去的，可恨我還要被人狂踢，行步路都唔舒暢...從來唔覺得香港多人睇書，永遠唔明白點解咁多人書展...直至突然間發現好多年青人尖叫，先知道，原來好多人來睇偶像的...咩Fiona同Shine引得一班少男少女狂叫，我當然冇興趣，就趁呢個時間人少，買多幾本書算數，行到某攤位，聽到Stephy本書已經賣晒...完全係無奈......
至於我，我左四個鐘，一個偶像都見唔到，咩簽名會亦冇去理，最後只買左三本書，遠少於預期...
放空鎗
最近出手了十幾下，但似樣d既機會都冇，偏偏只係遇到d廢人，問問題都唔識。越來越覺得，呢個世界真係充滿住一d莫名奇妙既事，包括將resume調亂，被一個被自己更後生的o靚仔話冇經驗...
所以還是算了，捱多陣......遲下再放鎗
-------------------------------------------------------------
另一方面自從豬朋狗友甲結緍後，再加上世界杯收工，即時好似少左d活動咁，小的一來不想做電燈膽，二來朋友又唔得閒，三來天氣又熱又悶，令人街都唔想出...
總之，都係無聊既生活，或者遲下又搵d野來讀啦。
自閉的生活?
今天的生活：首先起床，回到公司，工作，午飯，工作...直至此時都冇咩大既唔同，不過放工後，由於只有自己一個人食晚飯，所以選擇左去吉野家，買左個餐，甫坐低，便睇見對面有一個阿叔，約三十歲，呆呆咁對住食完既飯，良久先飲一啖汽水，不禁令我心中彈出一個人頗為無奈的感覺...
還好中途朋友打電話來吹水，先至令我和該阿叔有些少唔同...睇翻該名阿叔雙目無光的眼神，感覺冇目的生活真係好痛苦的......
